ჩვენი კომპანიის ერთ-ერთი უმთავრესი პრიორიტეტი ქვეყანაში ლაბორატორიული სტანდარტების ამაღლება და უმაღლესი ხარისხის, თანამედროვე აპარატურის მიწოდებაა. მოხარულები ვართ გაცნობოთ, რომ კიდევ ერთი მნიშვნელოვანი პროექტი წარმატებით დაგვირგვინდა — სოფლის მეურნეობის სახელმწიფო ლაბორატორიას ბიოუსაფრთხოების მეორე დონის 3 ერთეული კაბინა (BSC Class II) მივაწოდეთ.

პროექტის ფარგლებში შერჩეულ იქნა თურქული ბრენდის, Bilserlab-ის მოდელი ELIT BSC 90. აღნიშნული კაბინები შექმნილია უსაფრთხოების უმკაცრესი საერთაშორისო სტანდარტების დაცვით და უზრუნველყოფს სამმაგ დაცვას:

• ოპერატორის დაცვა: პერსონალის იზოლირება საშიში აეროზოლებისა და მიკროორგანიზმებისგან.

• პროდუქტის დაცვა: სამუშაო სივრცეში სუფთა, ლამინარული ჰაერის ნაკადის მიწოდება დაბინძურების (კონტამინაციის) თავიდან ასაცილებლად.

• გარემოს დაცვა: მაღალეფექტური HEPA ფილტრების სისტემა, რომელიც სრულად ფილტრავს გამავალ ჰაერს.